كيف تتذكر الشعوب شهدائها

شاهدت اليوم احتفال قرية إنجليزية بتذكار شهداء الحروب الكبري: العالمية الاولي والثانية وحرب كوريا.بجد اتقهرت علي حالنا!

بعد إنتهاء صلاة الأحد العادية تجمعت الناس (ألأكثر من غير المصلييين جاءو خصيصآ) عند النصب التذكاري للشهداء وهو ف ساحة صغيرة مفتوحة . كان الواقفين مجموعة متنوعة من البشر:سكان القرية،متفرجين زي حالاتي، وناس خارجة من الصلاة، ناس من الجيش والطيران منهم شباب وشابات بلبس الجيش والطيران (ربما بحرية بس أنا جاهلة ف الأزياء). وكان فيه ناس عجوزة بمداليات- واضح إنهم حاربو ف أحد الحروب وناس عجوزة أو معاقة علي كراسي متحركة. وكان هناك ايضآ كان فيه فرقة موسيقية وكشافة.

وعلمت أن مثل هذا الإحتفال أوالتذكار يحدث في كل قرية وحي أو مدينة ف جميع أنحاء بريطانيا: كله يتذكر شهداءه من أبناء المكان.

بعد خطبة دقيقتين بدأت الموسيقي العزف وبعدين قرأو أسماء شهداء ال3 حروب من القرية. تخيلت لو عاملين حاجه كده ف كل قرية ومدينة ف مصر لتذكار الشهداء ف الحروب المصرية- حلم عابر خبط ف نافوخي.

ثم قال واحد من الجيش: تذكروهم هؤلاء الذين دفعو حياتهم لحماية بلادهم.

وبعدها قالت القسيسة (آه واحدة ست) لندعو الله أن يوفقنا ف تحقيق السلام وفي رفع المعاناه عن الذين يقاسو في العالم . ولا حد قال كلمة واحدة عن الوطن ولا الدفاع عنه ولا عظمة الجيش والكلام ده.

وبعدين عزفو السلام الوطني وخلاص

ياتري احنا عارفين اسماء اللي ماتو ف أي حرب؟