1.
أملحه كتير خالص من جوه وبره وأسيبه ف التلاجه طول الليل
2.
الصبح أغسله م الملح كويس
3.
الحشو: أحمر بصله صغيره ف السمن البلدي أو الزبدة واحط الفريك واقلبه واسويه
نص سوا ثم اضيف قطع (بيكون لو بتاكل لحم خنزير) + ملح وفلفل+ سماق + عين جمل مدقوق
واحشيه
4.
أدهن الديك من بره بكميه كبيرة من الزبدة او السمنة البلدي مخلوطة بخردل مطحون
(مش الماسترد الامريكاني الجاهز المقرف!)
5.
ف صنية يتغطي كويس بورق الومونيوم وف الفرن علي حرارة عالية 4 ساعة
6.
بعدها أوطي الفرن خالص واسيبه حسب وزنه تقريبآ ساعة لكل كيلو ونص يعني بيقعد
4-5 ساعات علي نار هااااادية خالص
7.
كل ساعه افتح الالومونيوم واخد بالمعلقة العصير ال نزل وادلقه علي صدر الديك
والاجزاء العليا ثم أغطيه وادخله
8.
اطلعه من الفرن بعد ماحط سكينة توضح انه استوي
9.
اسيبه شويه بتاع 10 دقايق وبعدين اقطع واحس بطعمه وانا باقطعه (انا نباتية)
وكل سنة العيلة تقول السنة دي احلي م ال فاتت!
بس الصراحة باحط فيه ف الحشو + اغطيه ب بيكون
وده بيدي له طعم جميل بس اعتقد هايبقي حلو من غيره اذا اندعك كويس بالسمن البلدي
بالهنا
